Հայաստանում այս պահին բնակվում է մոտ 16 հազար սիրիահայ
ԵՐԵՎԱՆ, 11 ՓԵՏՐՎԱՐԻ, ԱՐՄԵՆՊՐԵՍ: Հայաստանում այս պահին բնակվում է մոտ 16 հազար սիրիահայ: Այս մասին լրագրողների հետ զրույցում փետրվարի 11-ին նշեց ՀՀ սփյուռքի նախարար Հրանուշ Հակոբյանը:
«2000-ից ավելի աշակերտներ ունենք, 500-ից ավելի ուսանողներ: 300 և ավելի կայացած բիզնեսներ կան, որոնց կեսից ավելին պետությունից է վարկ վերցրել` ամենաքիչ` 4 % տոկոսադրույքով և 5 տարի ժամկետով: Գումարը 15-20 հազար դոլար է, որը բիզնես սկսելու համար բավականին բարենպաստ է»,- «Արմենպրես»-ի փոխանցմամբ`նշեց Հրանուշ Հակոբյանը:
Դիտարկմանը` սիրիահայերն ունե՞ն հարկային արտոնություններ, թե՞ ոչ, նախարարը նշեց. «Ոչ հարկային արտոնություններ չունեն, բայց վարկ վերցնելու արտոնություն կա: Մյուս կողմից` մենք նրանց սովորեցնում ենք մեր օրենսդրությունը, մեկ ամիս շարունակ վերապատրաստում ենք, ինչպես նաև պարապում ենք ռուսաց լեզու, արևելահայերեն: Ինտեգրման գործընթացը շատ արագ և հեշտ է կատարվում»:
Բաժանորդագրվեք մեր ալիքին Telegram-ում