Ադրբեջանում ծաղկում է ոչխարագողությունը
ԵՐԵՎԱՆ, 8 ՓԵՏՐՎԱՐԻ, ԱՐՄԵՆՊՐԵՍ: Տնտեսական ճգնաժամում հայտնված Ադրբեջանում ծաղկում է ոչխարագողությունը:
Ինչպես հաղորդում է «Արմենպրես»-ը` վկայակոչելով APA-ն, միայն վերջին երկու օրերին Ադրբեջանում մեծ թվով ոչխարների եւ խոշոր եղջերավոր անասունների գողության երկու դեպք է տեղի ունեցել:
Բարդայի շրջանի բնակիչ Ֆամիլ Մուսաեւի բակից գողերը 96 գլուխ ոչխար են գողացել: Գողության կասկածանքով ձերբակալվել են նրա համագյուղացիներ Սերվեր Նաջաֆովը եւ Էլշան Հիդայաթզադեն:
Աղստաֆայում զինված հարձակում է տեղի ունեցել Իսրաֆիլ Աբդուլլաեւի ֆերմայի վրա: Ավտոմատներով զինված դիմակներով 4 անձինք ֆերմայի հովիներ Գաբիլ Մուսաեւին եւ Այազ Աբդիեւին փակել են գոմում եւ տարել 40 գլուխ մանր եւ խոշոր եղջերավոր կենդանիներին:
Աբդուլլաեւի խոսքով` կենդանիների հետքերը տանում են Վրաստանի սահման: Ինչպես երեւում է` անասուններին գողացել են սահմանից անդին բնակվող նրա հայրենակիցները:
Բաժանորդագրվեք մեր ալիքին Telegram-ում