Պյոտր Շվիտալսկին նշանակվել է ՀՀ-ում ԵՄ պատվիրակության ղեկավար
16:33, 1 Սեպտեմբեր 2015
ԵՐԵՎԱՆ, 1 ՍԵՊՏԵՄԲԵՐԻ, ԱՐՄԵՆՊՐԵՍ: Եվրոպական միության արտաքին և անվտանգության հարցերով բարձր ներկայացուցիչ Ֆեդերիկա Մոգերինին կատարել է մի շարք բարձրաստիճան եվրոպացի դիվանագետների նշանակումներ: Ինչպես հաղորդում է «Արմենպրես»-ը` վկայակոչելով Արտաքին գործերի եվրոպական ծառայության պաշտոնական կայքը, Հայաստանում ԵՄ պատվիրակության ղեկավար, դեսպան է նշանակվել Պյոտր Շվիտալսկին:
Բարձրաստիճան լեհ դիվանագետն աշխատում էր որպես Եվրոպայի խորհրդի քաղաքական ծրագրավորման վարչության ղեկավար, իսկ մինչ այդ եղել է Եվրոպայի խորհրդում Լեհաստանի մշտական ներկայացուցիչը:
2011թ-ի Հայաստանում Եվրոպական միության պատվիրակության ղեկավարն էր դեսպան Տրայան Հրիստեան: Մինչ այդ պատվիրակությունը ղեկավարում էր դեսպան Ռաուլ դե Լյուցենբերգերը:
Բաժանորդագրվեք մեր ալիքին Telegram-ում