Հայ մարզիկներն անհաջող հանդես եկան Օլիմպիական փառատոնին
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Թբիլիսիում ավարտվում է Եվրոպայի օլիմպիական պատանեկան ամառային փառատոնը, որտեղ Հայաստանը կներկայացնող մարզիկները անհաջող հանդես եկան: Մեդալ էր ակնկալվում եզրափակիչ մտած հայաստանցի մարմնամարզիկներ Արթուր Ավետիսյանից (օղակներ) և Մհեր Տուդոյանից (նժույգ թափեր): Սպասելիքները չարդարացան. երկուսն էլ զբաղեցրին ութերորդ հորիզոնականը: Առանց մեդալի հայրենիք կվերադառնան նաև ձյուդոիստներ Կարեն Ստեփանյանը (73 կգ), Ռոբերտ Կիրակոսյանը (81 կգ), լողորդներ Արտաշես Ադամյանը, Ռուբեն Ղարիբյանը և խճուղային խմբավազքի հեծանվորդները: «Արմենպրես»-ի հաղորդմամբ, այս մասին տեղեկացնում ՀԱՕԿ լրատվության բաժինը:
Հայաստանը ներկայացրեցին հեծանվային սպորտ, թենիս, ձյուդո, սպորտային մարմնամարզություն, աթլետիկա և լողմարզաձևերի 23 պատվիրակներ: Թբիլիսին կընդունեց շուրջ 10 հազար հյուրեր, որոնցից 4 հազարը մարզիկներ էին:
Բաժանորդագրվեք մեր ալիքին Telegram-ում