ԱՄՆ-ն կշարունակի պայքարը 2024 թվականի Օլիմպիական խաղերը հյուրընակալելու համար
ԵՐԵՎԱՆ, 28 ՀՈՒԼԻՍԻ, ԱՐՄԵՆՊՐԵՍ: Ամերիկայի Միացյալ Նահագնները կպայքարի 2024 թվականի Օլիմպիական խաղերը հյուրընկալելու համար ոչ թե Բոսթոնի, այլ մեկ ուրիշ քաղաքի միջոցով:
«ԱՄՆ օլիմպիական կոմիտեն հստակ ցույց տվեց, որ անկախ Բոսթոնի հրաժարվելուց Միացյալ Նահագները կշարունակի պայքարը խաղերը հյուրընկալելու համար: ԱՄՆ-ն բավական ժամանակ ունի ամեն ինչ վերլուծության ենթարկելու համար: Մենք լիահույս ենք, որ Միացյալ Նահանգները կկարողանա ճիշտ եզրակցություն անել և ներկայացնել որևէ քաղաք»,-«Արմենպրես»-ի հաղորդմամբ` նման հայտարարություն է արել ՄՕԿ-ի հաղորդակցության բաժնի ղեկավար Մարկ Ադամսը:
Կարծիք կա, որ 2024 Օլիմպիական խաղերը հյուրընկալելու ցանկություն ունի ԱՄՆ-ի Լոս Անջելես քաղաքը:
Ավելի վաղ հայտնի դարձավ, որ Միացյալ Նահանգների Բոսթոն քաղաքը հրաժարվել է 2024 թվականի ամառային Օլիմպիական խաղերն ընդունելու մտքից: Քաղաքի ղեկավարությունը նման քայլի է դիմել այն պատճառով, որ բնակիչների կողմից չի ստացել բավականաչափ աջակցություն Օլիմպիական խաղերը Բոսթոնում անցկացնելու հարցում: Օլիմպիական խաղերը հյուրընկալելու հայտն ամերիկյան քաղաքը կարող է հետ վերցնել մինչև սեպտեմբերի 15-ը:
Միջազգային օլիմպիական կոմիտեն 2024 թվականի օլիմպիական մայրաքաղաքը կընտրվի 2017 թվականին` Լիմայում կայանալիք համաժողովի ժամանակ: Խաղերը հյուրընկալելու համար արդեն հայտեր են ներկայացրել գերմանական Համբուրգ, իտալական Հռոմ, ֆրանսիական Փարիզ քաղաքները:
Բաժանորդագրվեք մեր ալիքին Telegram-ում