Նեբրասկան դարձել է ԱՄՆ-ի 19-րդ նահանգը, որտեղ վերացվել է մահապատիժը
12:35, 28 Մայիս 2015
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ: Նեբրասկան դարձել է ԱՄՆ-ի 19-րդ նահանգը, որտեղ վերացվել է մահապատիժը: Ինչպես տեղեկացնում է «Արմենպրես»-ը, համապատասխան որոշումը մայիսի 27-ին ձայների մեծամասնությամբ ընդունել են տեղի միապալատ օրենսդիր մարմնի պատգամավորները:
Այդպիսով, խորհրդարանականները հաղթահարել են Նեբրասկայի նահանգապետ Փիթ Ռիքեթսի վետոն: Այսուհետեւ նահանգի տարածքում հակաիրավական գործողությունների համար ամենախիստ պատիժը կլինի ցմահ բանտային կալանքն առանց պայմանական-վաղաժամկետ ազատման իրավունքի, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում