Թուրք ազգայնականները սպառնացել են «Ակոս»-ի խմբագրությանը
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: «Ազգայնական Թուրքիա» կուսակցությունն ու «Թուրանի օջախներ» կազմակերպությունը ապրիլի 24-ի վաղ առավոտյան սեւ ծաղկեպսակներ են դրել Հրանտ Դինքի հիմնադրած, հայերենով եւ թուրքերենով լույս տեսնող «Ակոս» թերթի Ստամբուլում գտնվող խմբագրության նոր շենքի առջեւ, որոնց վրա նշել են իրենց կազմակերպությունների անվանումները:
Ինչպես հաղորդում է «Արմենպրես»-ը` վկայակոչելով թուրքական demokrathaber.net-ը, հիշյալ կազմակերպությունները ներկայացնող երկու տղամարդ ծաղկեպսակները դնելուց հետո խմբագրության առջեւ հանդես են եկել սպառնալիքներով լի հակահայկական հայտարարությամբ:
«Թուրանի օջախներ»-ը Facebook-ի իր էջում այդ հայտարարությունը տեղադրել է «Մի գիշեր կհայտնվենք «Ակոս»-ում» վերնագրով:
«Ակոս»-ի առջեւ սեւ ծաղկեպսակ դրվելու փաստը խիստ քննադատության է ենթարկվել թուրքական սոցիալական մամուլում:
Բաժանորդագրվեք մեր ալիքին Telegram-ում