Ցեղասպանության տարելիցի միջոցառումների պատվիրակությունները ազատվեցին վիզայի վճարից
ԵՐԵՎԱՆ, 16 ԱՊՐԻԼԻ, ԱՐՄԵՆՊՐԵՍ: 2015 թվականի ապրիլի ընթացքում Հայոց ցեղասպանության 100-րդ տարելիցին նվիրված միջոցառումներին մասնակցելու նպատակով ՀՀ ժամանող պաշտոնական, այդ թվում` մշակութային, գիտական, կրոնական գործիչների պատվիրակությունների անդամ օտարերկրյա քաղաքացիները ՀՀ համապատասխան գործադիր մարմինների և կազմակերպությունների հայտերի հիման վրա կազատվեն մուտքի արտոնագրի տրամադրման համար նախատեսված պետական տուրքի վճարումից: «Արմենպրես»-ի հաղորդմամբ՝ այդ մասին որոշման նախագիծը հաստատվեց ՀՀ կառավարության նիստում, որը ներկայացրեց ՀՀ արտաքին գործերի նախարար Էդվարդ Նալբանդյանը:
Ավելի ուշ ՀՀ կառավարություն կներկայացվեն ՀՀ ժամանած պատվիրակությունների կազմերը, որպեսզի գործադիրն Արտաքին գործերի նախարարությանը փոխհատուցի ՀՀ ժամանածների մուտքի արտոնագրի պետական տուրքի գումարը:
Բաժանորդագրվեք մեր ալիքին Telegram-ում