Շիրակի մարզպետի ամանորյա ցանկությունը խաղաղությունն է
ԳՅՈՒՄՐԻ, 26 ԴԵԿՏԵՄԲԵՐԻ, ԱՐՄԵՆՊՐԵՍ: Շիրակի մարզպետ Ֆելիքս Ցոլակյանի ամանորյա ցանկությունը խաղաղությունն է: Այս մասին դեկտեմբերի 26-ին լրագրողների հետ ունեցած ճեպազրույցի ժամանակ նշեց Ֆելիքս Ցոլակյանը: «Առաջին հերթին մաղթում եմ խաղաղություն, հետո` մնացածը: Ցանկանում եմ մաև բարեկեցություն: Ցանկանում եմ, որ այն մարդն, ով այսօր հնարավորություն չունի մարդավայել նշելու Ամանորը, թո՛ղ այդ մարդու համար ստեղծվեն պայմաններ: Կուզենայի այդ հարցում հավասարություն լիներ: Աստված թող այդ մարդկանց հաջողություն տա, մենք էլ կանենք մեզանից կախվածը»,- նշեց Ֆելիքս Ցոլակյանը:
Պատասխանելով լրագրողների հարցերին` Շիրակի մարզպետն անդրադարձավ նաև սոցիալական խնդիրներին ու աղքատության ցուցանիշներին: «Մենք պետք է ամեն ինչ անենք սոցիալական իրավիճակը մեղմելու ուղղությամբ. սա կլինի մեր խնդիրը, իսկ 2014 թվականն, ընդհանուր առամամբ, ամփոփում ենք դրական տոնայնությամբ և դրա համար բոլոր հիմքերն ունենք», -ավելացրեց մարզպետը:
Արմենուհի Մխոյան
Բաժանորդագրվեք մեր ալիքին Telegram-ում