ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ փաստաբանների պալատի նախագահ Արա Զոհրաբյանը շնորհավորական ուղերձ է հղել «Արմենպրես» պետական լրատվական գործակալության 96-ամյակի կապակցությամբ: Ուղերձում մասնավորապես նշված է.

«Ջերմորեն շնորհավորում եմ «Արմենպրես» պետական լրատվական գործակալության հիմնադրման 96-ամյակը: Ունենալ պետական լրատվական գործակալություն` շատ կարևոր է յուրաքանչյուր պետության համար, և այն իրավամբ կարելի է համարել պետականության կայացվածության խորհրդանիշներից մեկը:

Ամենօրյա ռեժիմով հետևում եմ «Արմենպրես»-ի լուրերին և ականատես եմ լինում պրոֆեսիոնալ լրատվական աշխատանքի: Դա խոսում է թիմային աշխատանքի մասին:

Գնահատում եմ նաև «Արմենպրես»-ի և Հայաստանի փաստաբանների պալատի համագործակցությունը, որը օր օրի ավելի է ամրապնդվում:

Մաղթում եմ հայրենի պետական լրատվական գործակալությանը հարատևություն, միայն բարի լուրեր և հանուն հայկական պետականության աշխատանք»:

Դեկտեմբերի 18-ն «Արմենպրես»-ի հիմնադրման օրն է: 1918թ. Հայաստանի Ազգային խորհրդի հենց այդ օրվա նիստի արձանագրությունում ազդարարվեց Հայաստանի նորանկախ պետության համար մեծ իրադարձություն հանդիսացող Հայաստանի հեռագրական գործակալության ծնունդը: Վերջինիս հիմնման վերաբերյալ առաջին օրենքի ընդունմամբ երկրի բոլոր պետական ու հասարակական հիմնարկները պարտավորվել են տեղեկություններ տալ գործակալությանը, ընդ որում` արգելվել է նախքան դրանք գործակալությանը հաղորդելը տալ մասնավոր անձանց կամ հաստատություններին, ինչպես նաեւ գործակալության հեռագրերի արտատպումն այլ հրատարակություններում` բաժանորդ թերթերում` դրանց հրապարակումից հետո 48 ժամվա ընթացքում: