Մովսիսյանը և Հակոբյանը 4-ական միավոր ունեն Քաթարի մրցաշարի 6 տուրերից հետո
14:22, 2 Դեկտեմբեր 2014
ԵՐԵՎԱՆ, 2 ԴԵԿՏԵՄԲԵՐԻԻ, ԱՐՄԵՆՊՐԵՍ: Շախմատի Հայաստանի հավաքականի անդամներ գրոսմայստերներ Սերգեյ Մովսիսյանը և Վլադիմիր Հակոբյանը Քաթարի մայրաքաղաք Դոհայում անցկացվող օփենում վեց տուրից հետո վաստակել են 4-ական միավոր: Հովհաննես Գաբուզյանը, Էլինա Դանիելյանը ունեն 3,5-ական, Հրանտ Մելքումյանը, Ռոբերտ Հովհաննիսյանը` 3-ական, Գաբրիել Սարգսյանը` 2,5 միավոր:
«Արմենպրես»-ի հաղորդմամբ, այս մասին տեղեկացնում է Armchess կայքը: 6 միավորով աղյուսակը գլխավորում է գրոսմայստեր Անիշ Գիրին (Հոլանդիա):
Մրցաշարին մասնակցում են 154 շախմատիստ, որոնցից մի քանիսը միջազգային կարգի վարպետներ են: Բարձր վարկանիշ ունեցող շախմատիստների թվում են Անիշ Գիրին, Վլադիմիր Կրամնիկը, Շախրիյար Մամեդյարովը, Լիրեն Դինգը:
Բաժանորդագրվեք մեր ալիքին Telegram-ում