Դաշնակահարուհի Արևիկ Բեգլարյանը հանդես կգա Ֆիլհարմոնիկի հետ
20:01, 24 Նոյեմբեր 2014
ԵՐԵՎԱՆ, 24 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի Հանրապետության մշակույթի նախարարությունը և Հայաստանի պետական ֆիլհարմոնիկ նվագախումբը ներկայացնում են համերգ` երիտասարդ տաղանդավոր դաշնակահարուհի Արևիկ Բեգլարյանի մենակատարությամբ:
Ինչպես «Արմենպրես»-ին տեղեկացրին ՀՊՖՆ մամուլի ծառայությունից, համերգը կանցկացվի նոյեմբերի 28-ին «Արամ Խաչատրյան» համերգասրահում: Երեկոյի ընթացքում կհնչեն Բեթհովենի Դաշնամուրի թիվ 3 կոնցերտը և Մոցարտի թիվ 41 Սիմֆոնիան: Որպես դիրիժոր հանդես կգա ՀՊՖՆ գեղարվեստական ղեկավար և գլխավոր դիրիժոր Էդուարդ Թոփչյանը:
Բաժանորդագրվեք մեր ալիքին Telegram-ում