Մխիթարյանի նկատմամբ կանոնները խախտեցին և պետք է նշանակվեր 11-մետրանոց հարված. Կլոպ
ԵՐԵՎԱՆ, 30 ՕԳՈՍՏՈՍԻ, ԱՐՄԵՆՊՐԵՍ: Դորտմունդի «Բորուսսիաե-ի գլխավոր մարզիչ Յուրգեն Կլոպպը, մեկնաբանելով է իր թիմի տարած հաղթանակը «Աուգսբուրգե-ի նկատմամբ, ընդգծել է, որ մրցավարը չի նշանակել 11 մետրանոց հարված Հենրիխ Մխիթարյանի նկատմամբ կանոնները խախտելու ժամանակ: «3-0 հաշվի ժամանակ ինչ-որ բան հանկարծակի սխալ գնաց ու իրավիճակը դուրս եկավ մեր հսկողությունից, ինչը չպետք է լիներ: Սակայն, ընդհանուր առմամբ, մենք լավ խաղացինք: Հարձակվում էինք, հարվածում, սակայն ոչ բոլոր պահերն օգտագործեցինք: Պետք է խփեինք 4-րդ գոլը, կարծում եմ` Մխիթարյանի դեմ պայքարում խախտեցին կանոնները ու պետք է 11 մետրանոց լիներե,- նշել է Կլոպը` հետխաղյա ասուլիսում:
«Բորուսիան»-ն 3:2 հաշվով առավելության է հասել «Աուգսբուրգե-ի նկատմամբ, իսկ Հենրիխը մասնակցել է հանդիպմանը սկզբից մինչև վերջ:
Բաժանորդագրվեք մեր ալիքին Telegram-ում