ՄԱԿ-ի Անվտանգության խորհուրդն արտակարգ հանդիպում կանցկացնի Գազայի հատվածի հումանիտար իրադրության շուրջ
09:40, 31 Հուլիս 2014
ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: ՄԱԿ-ի Անվտանգության խորհուրդն արտակարգ հանդիպում կանցկացնի Գազայի հատվածի հումանիտար իրադրության շուրջ: Այդ մասին, ինչպես տեղեկացնում է «Արմենպրես»-ը, լրագրողներին հայտնել է համաշխարհային կազմակերպությանն առընթեր Ռուանդայի մշտական ներկայացուցիչ Յուջին Ռիշար Գասանան, որը նախագահում է ԱԽ-ում:
«Ժամը 10:00-ին (Երեւանի ժամանակով՝ ժամը 18:00-ին) կկայանա բրիֆինգ, որից հետո տեղի կունենա խորհրդակցություն փակ ռեժիմով»,- ասել է նա:
Ինչպես հայտնի է դարձել ԻՏԱՌ-ՏԱՍՍ-ին, Գազայի հատվածի հումանիտար իրադրության վերաբերյալ հաշվետվությամբ տեսակապի օգնությամբ ԱԽ-ի անդամների առջեւ հանդես կգա ՄԱԿ-ի գլխավոր քարտուղարի՝ հումանիտար հարցերով տեղակալ Վալերի Ամոսը:
Բաժանորդագրվեք մեր ալիքին Telegram-ում