ԴԱՀԿ աշխատակիցներն Օրլովի մարզում կմասնակցեն «Հիշատակի հերթափոխ-2014» միջազգային հավաքին
ԵՐԵՎԱՆ, 25 ՀՈՒԼԻՍԻ, ԱՐՄԵՆՊՐԵՍ: ՀՀ ԱՆ Դատական ակտերի հարկադիր կատարումն ապահովող ծառայության աշխատակիցները հուլիսի 27-ին կմեկնեն Ռուսաստանի Դաշնության Օրլովի մարզ՝ մասնակցելու հուլիսի 28-ից մինչև օգոստոսի 1-ը կազմակերպվող «Հիշատակի հերթափոխ-2014» միջազգային ուսումնագործնական հավաքին: Ինչպես «Արմենպրես»-ին տեղեկացրին ԴԱՀԿ մամուլի ծառայությունից, միջոցառումը նվիրված է Հայրենական Մեծ պատերազմի մարտադաշտերում անհետ կորած զինվորների մասունքների որոնողական աշխատանքների իրականացմանը և Հայրենական Մեծ պատերազմի 69-ամյակին:
Սա Ռուսաստանի և Հայաստանի հարկադիր կատարողների համատեղ ուսումնագործնական չորրորդ հավաքն է` Սմոլենսկի, Բրյանսկի և Կալուգայի մարզերից հետո, որտեղից ՀՀ ԱՆ ԴԱՀԿ ապահովող ծառայության աշխատակիցները վերադարձել են շնորհակալագրերով և պատվոգրերով:
Բաժանորդագրվեք մեր ալիքին Telegram-ում