Մագնուս Կարլսենը չի ցանկանում հետ մնալ Արոնյանից
10:27, 3 Փետրվար 2014
ԵՐԵՎԱՆ, 3 ՓԵՏՐՎԱՐԻ, ԱՐՄԵՆՊՐԵՍ: Շախմատի աշխարհի չեմպիոն Մագնուս Կարլսենը կարևոր է համարում Ֆաբիանու Կարուանայի նկատմամբ տոնած հաղթանակը: «Շատ կարևոր էր հաղթել, քանի որ Լևոնը ևս հաղթել էր»,-«Արմենպրես»-ի հաղորդմամբ` ասել է Կարլսենը: Նորվեգացին հաղթեց Կարուանային բավական գեղեցիկ և հետաքրքիր պարտիայում: Ինքը` Կարլսենը, նորմալ է համարել իր այդ հաղթանակը, ընդգծել, որ ինքը կատարել է «բնական» քայլեր` հաղթանակի հասնելու համար:
Վերջին տուրից առաջ Կարլսենն ունի 7, Արոնյանը 6 միավոր: Ցյուրիխի խոշոր մրցաշարի հաղթանակի դեպքում շախմատիստներն ստանում են 2, իսկ ոչ-ոքի դեպքում`1 միավոր:
Բաժանորդագրվեք մեր ալիքին Telegram-ում