ԲԱՔՈՒ, 21 ՓԵՏՐՎԱՐԻ, ԱՐՄԵՆՊՐԵՍ: Կարմիր խաչի միջազգային կոմիտեի ներկայացուցիչները փետրվարի 17-ին այցելել են երեք հայ ռազմագերիներին եւ քաղաքացիական անձանց: Ինչպես հաղորդում է «Արմենպրես»-ը, վկայակոչելով ադրբեջանական լրատվամիջոցները, այս մասին հայտարարել է Ադրբեջանում Կարմիր խաչի միջազգային կոմիտեի պատվիրակության ներկայացուցիչ Լահա Հուսեյնովան: Կարմիր խաչի կոմիտեի ներկայացուցիչները նամակներ են փոխանակել Ադրբեջանում պահվող հայերի հետ: Ներկայում Ադրբեջնում կա երեք հայ ռազմագերի եւ հինգ քաղաքացիական անձ: Քաղաքացիները մեկ ընտանիքի անդամ են` Եղիշե, Ռուզաննա, Ալֆրեդ, Գայանե եւ Պետրոս Գեւորգյանները: Նրանք հատել են Ադրբեջանի սահմանը 2010 թ-ի հունվարին:

Երկու գերիները` Օհան Հարությունյանը եւ Գեւորգ Թովմասյանը, անցել են Ադրբեջանի կողմը 2009 թ-ի մայիսին, երրորդը` Կարեն Հարությունյանը, հատել է ադրբեջանական սահմանը 2009 թ-ի հուլիսին: Երեք զինվորներն էլ ցանկանում են, որ իրենց ուղարկեն երրորդ երկիր:

Հայկական կողմն ունի մեկ ադրբեջանցի ռազմագերի: 

Դիտվել է 373 անգամ