1 წუთი კითხვის
სომხეთის უშიშროების საბჭოს მდივანმა ალენ სიმონიანმა განაცხადა, რომ დეკემბერში აზერბაიჯანს ეწვევა.
„არმენპრესის“ ცნობით, სიმონიანმა აღნიშნა, რომ ეს საპასუხო ვიზიტი იქნება აზერბაიჯანის პრეზიდენტის თანაშემწის, ჰიქმეთ ჰაჯიევის მიერ ივნისში სომხეთში განხორციელებულ ვიზიტზე.
„მოგეხსენებათ, რომ ამ თვის მიწურულს ინიციატივა „მშვიდობის ხიდის“ ფარგლებში სომხეთში აზერბაიჯანის არასამთავრობო ორგანიზაციების წარმომადგენლები ჩამოვლენ. მომდევნო თვეში იგეგმება ჩემი ვიზიტი აზერბაიჯანში, ოღონდ არა ბაქოში. ეს იქნება საპასუხო ვიზიტი ჰიქმეთ ჰაჯიევის სომხეთში ვიზიტზე. თანამშრომლობისა და ტექნიკურ საკითხებს განვიხილავთ. ყველა შესაძლო საკითხი შეიძლება იქნეს განხილული“, - განაცხადა ალენ სიმონიანმა.
შეგახსენებთ, რომ ჰიქმეთ ჰაჯიევი სომხეთში მიმდინარე წლის 14 ივნისს იმყოფებოდა. იმ დროს სომხეთის უშიშროების საბჭოს მდივანმა არმენ გრიგორიანმა და ჰიქმეთ ჰაჯიევმა დილიჟანში სომხეთსა და აზერბაიჯანს შორის სამშვიდობო დღის წესრიგთან დაკავშირებული საკითხები განიხილეს.