ჩვენ დაინტერესებულნი ვართ რუსეთთან ურთიერთობების შემდგომი განვითარებითა და გაღრმავებით - ფაშინიანი პუტინთან შეხვედრაზე

სომხეთი დაინტერესებულია რუსეთთან ურთიერთობების შემდგომი განვითარებითა და გაღრმავებით.

„არმენპრესის“ ცნობით, ბიშკეკში 1 სექტემბერს რუსეთის ფედერაციის პრეზიდენტ ვლადიმერ პუტინთან შეხვედრაზე ამის შესახებ სომხეთის პრემიერ-მინისტრმა ნიკოლ ფაშინიანმა განაცხადა:

„ჩვენ დაინტერესებულნი ვართ რუსეთთან ურთიერთობების შემდგომი განვითარებითა და გაღრმავებით. მაგრამ ასევე უნდა აღინიშნოს, რომ ბოლო წლებში ჩვენს რეგიონში, სომხეთის გარშემო ვითარება შეიცვალა და მიგვაჩნია, რომ სიტუაციას ამ კუთხით უნდა შევხედოთ, ვინაიდან კონფლიქტურ სიტუაციაში სომხეთისა და რუსეთის ურთიერთობებს სხვა მნიშვნელობა ჰქონდა, ხოლო ახლა, როდესაც რეგიონში მშვიდობა დამყარდა, მიგვაჩნია, რომ სიტუაციას უკვე ახალი მზერით უნდა შევხედოთ. ვფიქრობ, ეს ხელს შეუწყობს ჩვენი ურთიერთობების განვითარებას. ჩვენ მხედველობაში გვაქვს ჩვენი ურთიერთობების გაღრმავება და განვითარება. და ეს ძალიან მნიშვნელოვანია“.