სომხეთის უშიშროების საბჭოს მდივანმა სომხეთში ევროკავშირის ახალი პარტნიორული მისიის დელეგაცია მიიღო
1 წუთი კითხვის
სომხეთის რესპუბლიკის უშიშროების საბჭოს მდივანმა არმენ გრიგორიანმა მიიღო სომხეთში ევროკავშირის ახალი პარტნიორული მისიის დელეგაცია, ევროკავშირის საგარეო ქმედებათა სამსახურის სამოქალაქო ოპერაციების მეთაურისა და მმართველი დირექტორის, სტეფანო ტომატის ხელმძღვანელობით.
„არმენპრესის“ ცნობით, სომხეთის უშიშროების საბჭოს ოფისში აცხადებენ, რომ არმენ გრიგორიანმა მიესალმა სომხეთში მისიის შექმნასა და განთავსებას. მან ხაზი გაუსვა ევროკავშირის მიერ ბოლო წლებში სომხეთისთვის გაწეულ მრავალმხრივ მხარდაჭერას, ასევე მდგრადობის განმტკიცებისკენ მიმართული შესაძლებლობების განვითარების ღონისძიებებს.
შეხვედრისას თანამოსაუბრეებმა განიხილეს შემდგომ თანამშრომლობასთან დაკავშირებული საკითხები.
ამ კონტექსტში, სომხეთის უშიშროების საბჭოს მდივანმა გამოთქვა რწმენა, რომ მისიასა და სომხეთის სახელმწიფო ორგანოებს შორის მჭიდრო თანამშრომლობა ხელს შეუწყობს მისიის მანდატით გათვალისწინებული ამოცანების სრულფასოვან და ეფექტურ შესრულებას.