2 წუთი კითხვის
სომხეთის ეროვნული ასამბლეის თავმჯდომარემ ალენ სიმონიანმა განმარტა, რომ რუსეთის ფედერალური საბჭოს ხელმძღვანელ ვალენტინა მატვიენკოსთან მისი ბოლო სატელეფონო საუბრის მთავარი მიზანი დაბადების დღის მილოცვა იყო.
„არმენპრესის“ ცნობით, ამის შესახებ ალენ სიმონიანმა ეროვნულ ასამბლეაში გამართული ბრიფინგის დროს განაცხადა, როდესაც უპასუხა კითხვას, თუ რა საკითხები განიხილეს მასსა და რუსეთის ფედერალური საბჭოს ხელმძღვანელს შორის გამართული სატელეფონო საუბრისას.
„სატელეფონო ზარი ჩემი კოლეგის დაბადების დღეს უკავშირდებოდა. უნდა ვთქვა, რომ ფედერალური საბჭოს ხელმძღვანელთან საუკეთესო და პატივსაცემი ურთიერთობა მაქვს. ჩვენ მუდმივად ვსაუბრობთ ღიად და პირდაპირ, ორმხრივი პატივისცემის ლოგიკით. რამდენიმე დღეში სტამბოლში მივემგზავრები, ისიც იქ იქნება. ვვარაუდობ, რომ იქ გვექნება კომუნიკაცია. საუბარია არა ოფიციალურ შეხვედრაზე, არამედ უბრალოდ კომუნიკაციაზე“, - განაცხადა სიმონიანმა.
მანამდე სომხეთის ეროვნული ასამბლეის თავმჯდომარემ აღნიშნა, რომ სტამბოლში საპარლამენტთაშორისო კავშირის (IPU) 152-ე ასამბლეაში მიიღებს მონაწილეობას, სადაც დაგეგმილია შეხვედრები საქართველოსა და აზერბაიჯანის პარლამენტების ხელმძღვანელებთან.
7 აპრილს სომხეთის ეროვნული ასამბლეის საინფორმაციო დეპარტამენტმა გაავრცელა განცხადება, რომლის თანახმად, პარლამენტის თავმჯდომარე ალენ სიმონიანი ტელეფონით ესაუბრა რუსეთის ფედერალური საბჭოს ხელმძღვანელ ვალენტინა მატვიენკოს და დაბადების დღე მიულოცა.