სომხეთის პარლამენტის ვიცე-სპიკერმა და ლიეტუვის საგარეო საქმეთა მინისტრის მოადგილემ სომხეთი-ევროკავშირის ურთიერთობების დაახლოების პერსპექტივები განიხილეს

სომხეთის რესპუბლიკის ეროვნული ასამბლეის თავმჯდომარის მოადგილემ რუბენ რუბინიანმა 13 აპრილს ლიეტუვის საგარეო საქმეთა მინისტრის მოადგილე აუდრა პლეპიტე მიიღო.

როგორც „არმენპრესი“ სომხეთის ეროვნული ასამბლეის მიერ გავრცელებულ განცხადებაზე დაყრდნობით იტყობინება, რუბენ რუბინიანმა მაღალი შეფასება მისცა სომხეთ-ლიეტუვის თანამშრომლობას, მათ შორის საპარლამენტთაშორისო ურთიერთობების ფარგლებში.

შეხვედრაზე საუბარი შეეხო რეგიონულ პრობლემებსა და უსაფრთხოების კუთხით არსებულ ვითარებას. ამ კონტექსტში, რუბენ რუბინიანმა ისაუბრა აზერბაიჯანთან და თურქეთთან ურთიერთობების მოწესრიგების პროცესის შესახებ.

მხარეებმა ასევე განიხილეს სომხეთსა და ევროკავშირს შორის ურთიერთობების შემდგომი დაახლოების პერსპექტივები.