სომხეთის რესპუბლიკის ეროვნული უშიშროების საბჭოს მდივანმა სომხეთში ევროკავშირის სამოქალაქო მისიის ახლადდანიშნული ხელმძღვანელი მიიღო

სომხეთის რესპუბლიკის უშიშროების საბჭოს მდივანმა არმენ გრიგორიანმა სომხეთში ევროკავშირის სამოქალაქო მისიის ახლადდანიშნული ხელმძღვანელი სატუ კოივუ მიიღო.

როგორც „არმენპრესი“ სომხეთის უშიშროების საბჭოს აპარატის მიერ გავრცელებულ განცხადებაზე დაყრდნობით იტყობინება, არმენ გრიგორიანმა ქალბატონ კოივუს საპასუხისმგებლო თანამდებობის დაკავება მიულოცა და მომავალ საქმიანობაში წარმატებები უსურვა.

მან ასევე მადლობა გადაუხადა სომხეთში ევროკავშირის სამოქალაქო მისიის მიერ გაწეული მუშაობისთვის და ხაზი გაუსვა, რომ სომხეთი მზადაა გააგრძელოს ეფექტიანი თანამშრომლობა.

სატუ კოივუმ, თავის მხრივ, მადლობა გადაუხადა მასპინძელს თბილი მიღებისთვის და აღნიშნა, რომ თავის გამოცდილებასა და ცოდნას მისიის საქმიანობის ეფექტიანობის შემდგომი ამაღლების საქმეში ჩადებს.