სომხეთი მიესალმება აშშ-ისა და ირანის გადაწყვეტილებას ყველა სამხედრო მოქმედების შეწყვეტის შესახებ
1 წუთი კითხვის
სომხეთი მიესალმება აშშ-ისა და ირანის გადაწყვეტილებას ყველა სამხედრო მოქმედების შეწყვეტის თაობაზე.
„არმენპრესის“ ცნობით, ამის შესახებ სომხეთის პრემიერ-მინისტრმა ნიკოლ ფაშინიანმა X-ის საკუთარ გვერდზე დაწერა.
„სომხეთი მიესალმება ირანისა და აშშ-ის მნიშვნელოვან გადაწყვეტილებას ყველა სამხედრო მოქმედების შეწყვეტის შესახებ. ჩვენ ასევე მაღალ შეფასებას ვაძლევთ საშუამავლო ძალისხმევას, მათ შორის პაკისტანის წვლილს, და ღრმად ვართ დარწმუნებულნი, რომ დიპლომატიამ უნდა გაიმარჯვოს ყველა გადაუჭრელი საკითხის მოსაგვარებლად და ახლო აღმოსავლეთში მშვიდობის შესანარჩუნებლად“, - წერს სომხეთის პრემიერ-მინისტრი.
აშშ-ის პრეზიდენტმა დონალდ ტრამპმა ირანთან ორკვირიანი ზავის შესახებ თეირანისთვის მიცემული ულტიმატუმის ვადის ამოწურვამდე ორი საათით ადრე განაცხადა. მან აღნიშნა, რომ ირანმა შუამავლების მეშვეობით 10-პუნქტიანი გეგმა გადასცა, რომლის საფუძველზეც მოლაპარაკებები დაიწყება. ირანმა ასევე დაადასტურა აშშ-სთან ორკვირიანი ცეცხლის შეწყვეტის შესახებ შეთანხმების მიღწევა.