სომხეთის პრემიერ-მინისტრი სტრასბურგში ჩავიდა

სომხეთის რესპუბლიკის პრემიერ-მინისტრი ნიკოლ ფაშინიანი სტრასბურგში ჩავიდა. პრემიერ-მინისტრს აეროპორტში ევროპარლამენტის ვიცე-პრეზიდენტი, სოციალ-დემოკრატიული პარტიის წევრი კრისტელ შალდემოზე დახვდა.

„არმენპრესის“ ცნობით, ამის შესახებ სომხეთის პრემიერ-მინისტრის აპარატი იტყობინება და შეგვახსენებს, რომ 11 მარტს ევროპარლამენტში ნიკოლ ფაშინიანი სიტყვით გამოვა.

ვიზიტის ფარგლებში ასევე შედგება სომხეთის პრემიერ-მინისტრ ნიკოლ ფაშინიანის შეხვედრა ევროპარლამენტის პრეზიდენტ რობერტა მეცოლასთან.