1 წუთი კითხვის
საბერძნეთში სომხეთის რესპუბლიკის საგანგებო და სრულუფლებიანი ელჩი, ტიგრან მკრტჩიანი საბერძნეთის იუსტიციის სამინისტროს გენერალურ მდივანს, პელოპს ლასკოსს შეხვდა.
„არმენპრესის“ ცნობით, ამის შესახებ აღნიშნულია სომხეთის საელჩოს მიერ გავრცელებულ განცხადებაში.
აღინიშნება, რომ შეხვედრაზე განიხილეს მართლმსაჯულების მიმართულებით სომხეთსა და საბერძნეთს შორის ინსტიტუციური თანამშრომლობის დამყარების ნაბიჯები.
ტიგრან მკრტჩიანმა წარადგინა სომხეთში ამ დარგში განხორციელებული რეფორმები და ამ საკითხში ევროკავშირის მნიშვნელოვანი როლი.
პელოპს ლასკოსმა ხაზგასმით აღნიშნა, რომ 2027 წელს საბერძნეთი ევროკავშირის თავმჯდომარე ქვეყანა იქნება და მიუთითა, რომ ევროკავშირის საქმიანობის სამი ძირითადი სვეტიდან ერთ-ერთი სწორედ მართლმსაჯულების სისტემაში წევრ და პარტნიორ სახელმწიფოებს შორის თანამშრომლობაა.