1 წუთი კითხვის
სომხეთის რესპუბლიკის პრემიერ-მინისტრი ნიკოლ ფაშინიანი ორდღიანი ოფიციალური ვიზიტით პოლონეთის რესპუბლიკას ეწვია.
როგორც „არმენპრესი“ იუწყება, ამის შესახებ სომხეთის პრემიერ-მინისტრის პრესმდივანმა, ნაზელი ბაღდასარიანმა „ფეისბუქის“ საკუთარ გვერდზე განაცხადა.
ვიზიტის ფარგლებში, პრემიერ-მინისტრი ფაშინიანი შეხვედრას გამართავს პოლონეთის პრემიერ-მინისტრ დონალდ ტუსკთან, რის შემდეგაც სომხეთისა და პოლონეთის პრემიერ-მინისტრები მედიის წარმომადგენლებისთვის განცხადებებს გააკეთებენ.
ოფიციალური ვიზიტის ფარგლებში, პრემიერ-მინისტრი ასევე შეხვდება პრეზიდენტ კაროლ ნავროცკის და სენატის თავმჯდომარე მალგოჟატა კიდავა-ბლონსკაიას.
ნიკოლ ფაშინიანი ასევე ეწვევა პოლონეთის საერთაშორისო ურთიერთობების ინსტიტუტს, სადაც შეხვედრას გამართავს პოლონური ანალიტიკური ცენტრების წარმომადგენლებთან.