1 წუთი კითხვის
სომხეთის პრემიერ-მინისტრმა ნიკოლ ფაშინიანმა ვაშინგტონში, „მშვიდობის საბჭოს“ სხდომის დაწყებამდე, ხანმოკლე საუბარი გამართა აშშ-ის პრეზიდენტ დონალდ ტრამპთან.
„არმენპრესის“ ცნობით, ინტერნეტში გავრცელდა ვიდეო, რომელშიც სომხეთის პრემიერ-მინისტრი და აშშ-ის პრეზიდენტი საუბრობენ.
სხვა გავრცელებული ვიდეომასალიდან ირკვევა, რომ ფაშინიანს ხანმოკლე კონტაქტი ჰქონდა აშშ-ის ვიცე-პრეზიდენტ ჯეი დი ვენსთანაც.
პრემიერ-მინისტრ ფაშინიანს ასევე ჰქონდა არაფორმალური კონტაქტი აზერბაიჯანის პრეზიდენტ ილჰამ ალიევთან.
სომხეთის პრემიერ-მინისტრი ვაშინგტონში აშშ-ის პრეზიდენტ დონალდ ტრამპის მიწვევით იმყოფება და მონაწილეობს „მშვიდობის საბჭოს“ პირველ სხდომაში.