არაიკ ჰარუთიუნიანმა ევროკავშირის დელეგაციასთან სომხეთ–ევროკავშირის ურთიერთობების დღის წესრიგი განიხილა

სომხეთის პრემიერ-მინისტრის აპარატის ხელმძღვანელი არაიკ ჰარუთუნიანი შეხვდა ევროკავშირის საგარეო მოქმედებების სამსახურის პოლიტიკური საკითხების გენერალური მდივნის მოადგილისა და პოლიტიკური დირექტორის, ოლოფ სკუგის ხელმძღვანელობით ჩამოსულ დელეგაცია․

„არმენპრესის“ ინფორმაციით, სომხეთის პრემიერ-მინისტრის აპარატიდან აცხადებენ, რომ შეხვედრის დროს განხილული იყო სომხეთ–ევროკავშირის ურთიერთობების მიმდინარე მდგომარეობა, ახლახან დაწყებული სტრატეგიული დიალოგის დღის წესრიგი პოლიტიკისა და უსაფრთხოების საკითხებზე, ასევე ორმხრივი თანამშრომლობის შემდგომი გაღრმავების შესაძლებლობები.

მხარეებმა დადებითად შეაფასეს ურთიერთობებში არსებული დინამიკა და კიდევ ერთხელ დაადასტურეს მზადყოფნა, განავითარონ თანამშრომლობა საერთო ღირებულებებსა და სტრატეგიულ ინტერესებზე დაყრდნობით.

არაიკ ჰარუთიუნიანმა შეეხო ინსტიტუციური მდგრადობის გაძლიერების მიმართულებით განხორციელებულ ნაბიჯებს და ხაზი გაუსვა ევროკავშირის უწყვეტი მხარდაჭერის მნიშვნელობას. მხარეებმა ასევე იმსჯელეს ევროპის პოლიტიკური თანამეგობრობის მე-8 სამიტისა და სომხეთ–ევროკავშირის პირველი სამიტის მოსამზადებელ სამუშაოებზე, რომლებიც დაგეგმილია ერევანში 2026 წლის 3-4 მაისს.

აღინიშნა, რომ აღნიშნული მაღალი დონის ღონისძიებები ასახავს სომხეთსა და ევროკავშირს შორის მზარდ ურთიერთნდობასა და სტრატეგიულ პარტნიორობას.