სომხეთის შრომისა და სოციალურ საკითხთა მინისტრმა შვეიცარიის ელჩთან რამდენიმე საკითხი განიხილა

სომხეთის შრომისა და სოციალურ საკითხთა მინისტრმა არსენ თოროსიანმა მიიღო სომხეთში შვეიცარიის კონფედერაციის საგანგებო და სრულუფლებიანი ელჩი ანდრეა ბარბარა ბაუმანი.

„არმენპრესის“ ინფორმაციით, სამინისტროს ცნობით, შეხვედრის დროს განიხილეს ინსტიტუციური მოვლის სტრუქტურების რეფორმის პროცესთან, ასევე შშმ პირებთან, ხანდაზმულებთან, ბავშვებთან და ადამიანებით ვაჭრობის წინააღმდეგ ბრძოლის სფეროში თანამშრომლობის საკითხები. ასევე განხილვის თემა იყო ყარაბაღიდან იძულებით გადაადგილებული პირებისთვის საცხოვრებლის უზრუნველყოფის, გრძელვადიანი ქირავნობისა და თვითდასაქმების ხელშეწყობის პროგრამების მიმდინარეობა და შედეგები.

არსენ თოროსიანმა წარმოადგინა სექტორული რეფორმების ძირითადი მიმართულებები და განსაკუთრებით ხაზი გაუსვა ეკონომიკურად დაუცველი პირების ციფრული უნარების ამაღლებასა და ქალთა ეკონომიკური გაძლიერებისკენ მიმართულ ძალისხმევას. განხილული იყო შვეიცარიული მხარის მხარდაჭერის შესაძლებლობა დასაქმების სფეროში გადამზადებისა და გამოცდილების გაზიარების მიზნით.

ელჩმა ბაუმანმა დაადასტურა შვეიცარიის მზადყოფნა გააგრძელოს თანამშრომლობა და გაიღოს საჭირო ძალისხმევა შრომისა და სოციალური დაცვის სფეროში თანამშრომლობის გასაღრმავებლად.