1 წუთი კითხვის
ირანის პრეზიდენტი მასუდ ფეზეშქიანი ორდღიანი ოფიციალური ვიზიტით სომხეთში ჩავიდა.
„არმენპრესის“ ცნობით, ერევნის „ზვართნოცის“ აეროპორტში ირანის პრეზიდენტს სომხეთის რესპუბლიკის ვიცე-პრემიერი მჰერ გრიგორიანი დახვდა.
ცნობილია, რომ ირანის პრეზიდენტი სომხეთის შემდეგ ბელარუსს ეწვევა.
სომხეთსა და ბელარუსში დაგეგმილი ვიზიტების წინ ირანის პრეზიდენტმა თეირანში მაღალი რანგის ოფიციალურ პირებთან შეხვედრა გამართა. ირანის პრეზიდენტის ოფიციალური ვებგვერდის გავრცელებული ინფორმაციის თანახმად, განხილული იქნა სომხეთთან და ბელარუსთან ენერგეტიკის, ტრანსპორტის, ვაჭრობის, ინვესტიციების, ჯანდაცვის, გარემოს დაცვის, მეცნიერების, კულტურისა და ტურიზმის სფეროებში შესაძლო თანამშრომლობის საკითხები.
აღინიშნა, რომ ოფიციალურმა პირებმა გამოავლინეს თანამშრომლობის ძირითადი გამოწვევები და შესაძლებლობები და განიხილეს მათი მოგვარების სტრატეგიები.
შეხვედრის დროს ასევე განიხილეს ირანსა და სომხეთს შორის, ასევე ირანსა და ბელარუსს შორის თანამშრომლობის მომავალი შეთანხმებები და მემორანდუმები, ყურადღების გამახვილებით მათი დროული განხორციელების აუცილებლობაზე.
ირანის პრეზიდენტის ვიზიტის ფარგლებში, აგვისტოს 19-ს, ერევანში გაიმართება სომხურ-ირანული ბიზნეს-ფორუმი.