2 წუთი კითხვის
ამერიკის შეერთებული შტატების პრეზიდენტმა დონალდ ტრამპმა განაცხადა, რომ მალე გეგმავს ირანის საკითხზე გადაწყვეტილების მიღებას.
„ძალიან მალე ირანის საკითხზე გადაწყვეტილებას მივიღებთ“, - როგორც „არმენპრესი“ იტყობინება, ტრამპის სიტყვებს თეთრ სახლში ჟურნალისტებთან საუბარში ციტირებს სააგენტო TASS-ი.
აპრილის 12-ს ომანში გაიმართა თეირანსა და ვაშინგტონს შორის ირანის ბირთვული პროგრამის გარშემო შექმნილი ვითარების დარეგულირების მიზნით პირველი არაპირდაპირი კონსულტაციები. ირანის დელეგაციას ხელმძღვანელობდა საგარეო საქმეთა მინისტრი აბას არაღჩი, ხოლო აშშ-ის დელეგაციას პრეზიდენტის სპეციალური წარმომადგენელი სტივენ უითკოფი. როგორც ისლამური რესპუბლიკის საგარეო საქმეთა სამინისტროში განაცხადეს, შეხვედრა გაიმართა კონსტრუქციულ და მშვიდ გარემოში და მხარეებმა შეთანხმდნენ კონსულტაციების გაგრძელებაზე.
აპრილის 13-ს ირანის საგარეო საქმეთა სამინისტროს ოფიციალურმა წარმომადგენელმა ესმაიილ ბაღაიმ განაცხადა, რომ ირანსა და აშშ-ს შორის არაპირდაპირი მოლაპარაკებების მეორე რაუნდი შესაძლოა ომანში არ გაიმართოს, თუმცა ეს ქვეყანა კვლავ შეინარჩუნებს შუამავლის როლს. საინფორმაციო პლატფორმა Axios-ის წყაროების ცნობით, მოლაპარაკებების ადგილის შეცვლა აშშ-ის ადმინისტრაციის ინიციატივა იყო. ამავე წყაროს მიხედვით, ირანსა და აშშ-ს შორის მოლაპარაკებების მეორე რაუნდი შესაძლოა გაიმართოს 19 აპრილს რომში.