1 წუთი კითხვის
მსოფლიო სუპერვარსკვლავი ჯენიფერ ლოპესი მსოფლიო ტურნეს ფარგლებში კონცერტით წარდგება ერევანში.
„არმენპრესის“ ინფორმაციით, ლოპესმა საზაფხულო საკონცერტო ტურნეს შესახებ „ინსტაგრამის“ საკუთარ გვერდზე გაავრცელა ინფორმაცია.
ასევე გამოქვეყნდა იმ ქალაქების სია, სადაც ჯენიფერ ლოპესი თავისი „Up all night“ მსოფლიო ტურნეს ფარგლებში კონცერტებს გამართავს, მათ შორისაა ერევანიც.
ლოპესის კონცერტი ერევანში გაიმართება 3 აგვისტოს, ვაზგენ სარგსიანის სახელობის რესპუბლიკურ სტადიონზე.
ტურნეს ფარგლებში ლოპესი კონცერტებით ასევე ეწვევა თურქეთს, ესპანეთს, ეგვიპტეს, უნგრეთს, პოლონეთს, არაბთა გაერთიანებულ საამიროებსა და ყაზახეთს.
