სომხეთის რესპუბლიკის ეროვნული ასამბლეის ვიცე-სპიკერმა და არაბთა გაერთიანებული საამიროების ფედერალური ეროვნული საბჭოს დელეგაციის ხელმძღვანელმა რამდენიმე საკითხი განიხილეს
2 წუთი კითხვის
ტაშკენტში გამართული საპარლამენტთაშორისო კავშირის 150-ე ასამბლეის ფარგლებში, სომხეთის რესპუბლიკის ეროვნული ასამბლეის თავმჯდომარის მოადგილე ჰაკობ არშაკიანი შეხვდა საპარლამენტთაშორისო კავშირში არაბთა გაერთიანებული საამიროების ფედერალური ეროვნული საბჭოს დელეგაციის ხელმძღვანელსა და საპარლამენტთაშორისო კავშირის ვიცე-პრეზიდენტს ალი რაშიდ ალ-ნუაიმის.
ეროვნული ასამბელის ვიცე-სპიკერმა აღნიშნა, რომ არაბთა გაერთიანებული საამიროები სომხეთისთვის ერთ-ერთი მნიშვნელოვანი და სანდო პარტნიორია.
როგორც „არმენპრესს“ აცნობეს სომხეთის რესპუბლიკის ეროვნული ასამბლეიდან, ჰაკობ არშაკიანმა ხაზი გაუსვა საკანონმდებლო ორგანოებს შორის თანამშრომლობის განვითარებას და აღნიშნა, რომ პარლამენტთაშორისი სხვადასხვა ფორმატის პლატფორმები შესაძლებლობას იძლევა განხილული იქნას მრავალრიცხოვანი საკითხი, რომლებიც ურთიერთ ინტერესს წარმოადგენს.
ჰაკობ არშაკიანმა თავის კოლეგას გააცნო სამხრეთ კავკასიაში არსებული ვითარება, ხაზი გაუსვა რეგიონში მშვიდობის დამკვიდრების მნიშვნელობას და კიდევ ერთხელ დაადასტურა სომხეთის რესპუბლიკის ერთგულება მშვიდობის დღის წესრიგისადმი.
ალი რაშიდ ალ-ნუაიმიმ მხარდაჭერა გამოუცხადა სომხეთის ძალისხმევას რეგიონში მშვიდობის დამყარებისკენ და გლობალური არასტაბილურობის პირობებში კონსტრუქციული ნაბიჯების გადადგმის აუცილებლობას გაუსვა ხაზი.
მოსაუბრეებმა განიხილეს ორმხრივი დღის წესრიგის რამდენიმე საკითხი.
ეროვნულის ასამბლეის ვიცე-სპიკერმა თავის კოლეგას გააცნო სომხეთის მთავრობის „მშვიდობის გზაჯვარედინი“ ინიციატივა და აღნიშნა, რომ ინფრასტრუქტურის განბლოკვას გავლენა ექნება არა მხოლოდ რეგიონზე, არამედ მის ფარგლებს გარეთაც.
დელეგაციის შემადგენლობაში იყვნენ ეროვნული ასამბლეის საფინანსო-საკრედიტო და ბიუჯეტის საკითხთა მუდმივი კომისიის თავმჯდომარე წოვინარ ვარდანიანი, ჯანდაცვის საკითხთა მუდმივი კომისიის თავმჯდომარე არსენ თოროსიანი, პარლამენტის წევრი ჰასმიკ ჰაკობიანი და ეროვნული ასამბლეის აპარატის ხელმძღვანელი, უფროსი მდივანი დავით არაქელიანი.