ტრამპი უკრაინის საკითხზე რუსეთისთან შეთანხმების მიღწევის შესაძლებლობას ხედავს

აშშ-ის პრეზიდენტმა დონალდ ტრამპმა განაცხადა, რომ სჯერა რუსეთისთან უკრაინის საკითხზე შეთანხმების გაფორმების შესაძლებლობის. როგორც „არმენპრესი“ იუწყება, ამის შესახებ მან ჟურნალისტებთან საუბრისას, საპრეზიდენტო თვითმფრინავში განაცხადა.

„ჩვენ ძალიან კარგად ვმუშაობთ რუსეთთან. ჩვენ შეგვიძლია შეთანხმების გაფორმება რუსეთთან, რათა შევაჩეროთ კიდევ მილიონობით ადამიანის შესაძლო მკვლელობა“, – აღნიშნა აშშ-ის ლიდერმა.

მანამდე, მაიამიში საინვესტიციო ფორუმზე გამოსვლისას, ტრამპმა განაცხადა, რომ ერ-რიადში რუსეთისა და აშშ-ის დელეგაციებს შორის მოლაპარაკებები ძალიან კარგად წარიმართა და მნიშვნელოვანი პროგრესი იქნა მიღწეული.

აშშ-ის პრეზიდენტმა ასევე გამოთქვა მოსაზრება, რომ რუსეთს „კოზირები“ აქვს რუსულ-უკრაინული კონფლიქტის მოგვარების საკითხში, თუმცა ამავდროულად სურს, რომ ის დასრულდეს.

„მე ვფიქრობ, რომ რუსებს სურთ, ომი დასრულდეს. დიახ, ნამდვილად სურთ. მაგრამ ვფიქრობ, რომ მათ „კოზირები“ აქვთ, რადგან დიდი ტერიტორიები აქვთ დაკავებული, ასე რომ, მათ „კოზირები“ აქვთ“, – ციტირებს ტრამპის სიტყვებს თეთრი სახლის პრესსამსახური.