სომხეთი და აშშ იწყებენ ბირთვული თანამშრომლობის შესახებ შეთანხმების მოლაპარაკებებს

სომხეთი ამერიკის შეერთებულ შტატებთან იწყებს მოლაპარაკებებს ბირთვული თანამშრომლობის შესახებ შეთანხმებაზე, რომელიც ცნობილია როგორც „123-ე შეთანხმება“.

„არმენპრესის“ ინფორმაციით, ამის შესახებ სომხეთის საგარეო საქმეთა მინისტრმა არარატ მირზოიანმა განაცხადა ვაშინგტონში სომხეთ-აშშ სტრატეგიული პარტნიორობის ქარტიის ხელმოწერის ცერემონიაზე გამოსვლისას.

„ჩვენ ასევე ვიწყებთ მოლაპარაკებებს აშშ-თან ბირთვული თანამშრომლობის შესახებ შეთანხმების თაობაზე, რომელიც ცნობილია როგორც „123-ე შეთანხმება“. ის შექმნის თანამშრომლობის ჩარჩოს ბირთვული ენერგიის მშვიდობიანი მიზნებით გამოყენების საკითხებში და აღნიშნავს ჩვენს ერთგულებას ბირთვული ენერგიის მშვიდობიანი განვითარებისადმი უსაფრთხოების და გაუვრცელებლობის უმაღლესი სტანდარტებით“, – განაცხადა მირზოიანმა.