368.52
Հայաստանն ու ԱՄՆ–ն սկսում են միջուկային համագործակցության համաձայնագրի շուրջ բանակցությունները
1 րոպեի ընթերցում
Հայաստանն Ամերիկայի Միացյալ Նահանգների հետ սկսում է միջուկային համագործակցության համաձայնագրի շուրջ բանակցությունները, որը հայտնի է որպես «123-րդ համաձայնագիր»:
«Արմենպրես»-ի հաղորդմամբ՝ այս մասին ասաց Հայաստանի ԱԳ նախարար Արարատ Միրզոյանը` Վաշինգտոնում Հայաստան–ԱՄՆ ռազմավարական գործընկերության կանոնադրության ստորագրման արարողության իր խոսքում:
«Մենք նաև սկսում ենք բանակցությունները ԱՄՆ հետ՝ միջուկային համագործակցության համաձայնագրի շուրջ, որը հայտնի է որպես «123-րդ համաձայնագիր»։ Այն կընձեռի խաղաղ նպատակներով միջուկային էներգիայի օգտագործման հարցում համագործակցության շրջանակ և կնշանավորի մեր հանձնառությունը միջուկային էներգիայի խաղաղ զարգացմանը՝ ապահովության, անվտանգության և չտարածման ամենաբարձր չափանիշներով»,–ասաց Միրզոյանը:
Բաժանորդագրվեք մեր ալիքին Telegram-ում