შვედმა პარლამენტარმა დადებითად შეაფასა „მშვიდობის გზაჯვარედინი“ ინიციატივა და ამ მიმართულებით ერევნის მიერ განხორციელებული მუშაობა

ერევანი, 26 დეკემბერი, არმენპრესი. შვედეთის პარლამენტის დეპუტატი ერიკ ჰელსბორნი დადებითად აფასებს სომხეთის ინიციატივას „მშვიდობის გზაჯვარედინი“ და ამ მიმართულებით ერევნის მიერ მიღწეულ ძალისხმევას.

შვედმა პარლამენტარმა ეს მოსაზრება გამოთქვა „არმენპრესის“ კორესპონდენტთან საუბარში, როცა შეეხო სამხრეთ კავკასიაში სატრანსპორტო კომუნიკაციების შესაძლო განბლოკვას და ამ საკითხში ერევანსა და ბაქოს შორის არსებულ აზრთა სხვაობას.

სამხრეთ კავკასიაში რეგიონული სატრანსპორტო კომუნიკაციების განბლოკვის მიმართულებით სომხეთის ინიციატივის „მშვიდობის გზაჯვარედინი” მნიშვნელობაზე საუბრისას, შვედმა პარლამენტარმა დადებითად შეაფასა ამ მიმართულებით ერევნის მიერ მიღწეული ძალისხმევა.

„დადებითია იმის ნახვა, რომ ერევანი აქტიურად მუშაობს საკითხის გადასაჭრელად“ - აღნიშნა ერიკ ჰელსბორნმა.

შვედმა პარლამენტარმა, როცა შეეხო იმ გარემოებას, რომ განბლოკვის საკითხში აზერბაიჯანი განაგრძობს ე.წ. „დერეფნის“ კონცეფციის წინ წამოწევას, ხაზი გაუსვა, რომ სომხეთის ტერიტორიის გავლით ტვირთების გადაზიდვა სომხური პირობებით უნდა განხორციელდეს.

„გასაგებია, რომ აზერბაიჯანი სურს ხალხისა და საქონლის უფრო მარტივად გადაყვანა თავისი ძირითადი ტერიტორიდან დასავლეთის ექსკლავისკენ (რედაქცია: ნაქიჩევანის ავტონომიური რესპუბლიკა). მაგრამ ბაქომ უნდა გაიგოს, რომ სომხეთის ტერიტორიაზე გამავალი ყველა გადაზიდვა სომხური პირობებით უნდა განხორციელდეს“, - განაცხადა შვედმა პარლამენტარმა.

საუბრისას მან ასევე ყურადღება გაამახვილა პრემიერ-მინისტრ ნიკოლ ფაშინიანის მიერ ცოტა ხნის წინ გაკეთებულ განცხადებაზე, რომ აზერბაიჯანის კონსტიტუცია შეიცავს პრეტენზიებს სომხეთის რესპუბლიკის სუვერენულ ტერიტორიაზე. „მიმაჩნია, რომ აზერბაიჯანის აგრესიების ისტორიის გათვალისწინებით, ასეთი შეშფოთება გასაგებია“, - აღნიშნა მან.