სომეხმა და ინდოელმა მეწარმეებმა თანამშრომლობის პერსპექტივები განიხილეს

ერევანი, 10 ივნისი, არმენპრესი. 8 ივნისს ერევანში გაიმართა შეხვედრა სომხეთის მრეწველთა და მეწარმეთა კავშირის და ინდოეთის სავაჭრო-სამრეწველო პალატის დელეგაციებს შორის, რომელიც მიზნად ისახავდა ეკონომიკური კავშირების გააქტიურებას. „არმენპრესის“ ინფორმაციით, ამის შესახებ განცხადება გაავრცელა სომხეთის მრეწველთა და მეწარმეთა კავშირმა.

სომხეთის ბიზნეს გარემოს და საინვესტიციო სფეროს წარმოჩენისას, სომხეთის მრეწველთა და მეწარმეთა კავშირის პირველმა ვიცე-პრეზიდენტმა ნერსეს კარამანუკიანმა აღნიშნა, რომ ინდოეთთან თანამშრომლობა შესაძლებელია ტურიზმის, ჯანდაცვის, ტექსტილის, კვების მრეწველობის და სხვა მრავალ სფეროში. მაგალითად, მან ხაზი გაუსვა წყლის ფილტრაციის ინდურ თანამედროვე ტექნოლოგიებს იმ შემთხვევაში, როდესაც სომხეთში წყლის გაწმენდის მხრივ პრობლემებია.

ინდოეთის სავაჭრო პალატის (ICC) თამილ ნადუს შტატის ფილიალის პრეზიდენტმა, სომხეთის საპატიო კონსულმა რამდენიმე ოლქში და დელეგაციის ხელმძღვანელმა შივკუმარ ეაშვარანმა, წარმოჩენისას მათი ორგანიზაცია, აღნიშნა, რომ ინდოეთის სავაჭრო პალატა 100 წლისაა და დიდი რეპუტაცია აქვს. მისი თქმით, ინდოეთის მთავრობა ვაჭრობის 4 საყრდენიდან ერთ-ერთად პალატას მიიჩნევს. „სინამდვილეში, აქტიური თანამშრომლობის უზრუნველსაყოფად, პირველ რიგში საჭიროა სრული ინფორმაციული სივრცის შექმნა, რეგულარული შეხვედრების, გამოფენების და ბიზნეს კონფერენციების ორგანიზება. ურთიერთგაცნობა ხსნის ბიზნესის გზას. ეს საწყისი ნაბიჯია. ჩვენ მზად ვართ ერთობლივი პროგრამების განსახორციელებლად“, - განაცხადა დელეგაციის ხელმძღვანელმა.

რამდენიმე პრეზენტაციით ინდოეთის მიღწევები წარმოადგინეს მრეწველობის, ენერგეტიკის, ჯანდაცვის, ინოვაციური ტექნოლოგიების, ტექსტილის და სხვა სფეროებში.

სომხეთის მრეწველთა და მეწარმეთა კავშირის პირველმა ვიცე-პრეზიდენტმა ნერსეს კარამანუკიანმა და ინდოეთის სავაჭრო პალატის თამილ ნადუს შტატის ფილიალის პრეზიდენტმა შივკუმარ ეაშვარანმა ხელი მოაწერეს თანამშრომლობის მემორანდუმს.

შეხვედრა დასრულდა სომეხ და ინდოელ მეწარმეებს შორის უშუალო ბიზნეს მოლაპარაკებებით.