სომხეთის პრემიერ-მინისტრმა ევროკომისიის სამეზობლოსა და გაფართოების მოლაპარაკებების გენერალური დირექტორი მიიღო

ერევანი, 30 აპრილი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო დელეგაცია ევროკომისიის სამეზობლო და გაფართოების პოლიტიკის გენერალური დირექტორის გერტ იან კოპმანის ხელმძღვანელობით.

„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატი ავრცელებს. ნიკოლ ფაშინიანი მიესალმა ბატონი კოპმანის ვიზიტს სომხეთში და ხაზი გაუსვა სომხეთ-ევროკავშირის ურთიერთობების უწყვეტი განვითარების მნიშვნელობას. ამასთან დაკავშირებით, ნიკოლ ფაშინიანმა საკვანძოდ მიიჩნია 5 აპრილს ბრიუსელში გამართული სომხეთ-ევროკავშირი-აშშ-ის მაღალი დონის შეხვედრა და ხაზი გაუსვა მიღწეული შეთანხმებების ეფექტიანად განხორციელების აუცილებლობას.

გერტ იან კოპმანმა აღნიშნა, რომ ევროკომისია მზადაა, მჭიდრო თანამშრომლობით, წვლილი შეიტანოს სომხეთის რესპუბლიკის მთავრობის პრიორიტეტების განხორციელებაში, ჩვენი ქვეყნის მდგრადობისა და ეკონომიკური ზრდის გაძლიერების მიზნით. ევროკომისიის სამეზობლოსა და გაფართოებისმოლაპარაკებების გენერალურმა დირექტორმა გამოთქვა რწმენა, რომ სომხეთ-ევროკავშირის ურთიერთობები დინამიურად განვითარდება და გაფართოვდება.

მხარეებმა სომხეთ-ევროკავშირის თანამშრომლობის საკითხების ფართო სპექტრი განიხილეს.