მოსკოვი იმედოვნებს, რომ სომხეთის ICC წევრობა გავლენას არ მოახდენს ორმხრივ ურთიერთობებზე

ერევანი, 1 თებერვალი, არმენპრესი․ რუსეთისთვის მნიშვნელოვანია, რომ სომხეთის წევრობა სისხლის სამართლის საერთაშორისო სასამართლოში (ICC) უარყოფითად არ იმოქმედოს ორმხრივ ურთიერთობებზე, რადგან მოსკოვი აფასებს ამ ურთიერთობებს. „არმენპრესის“ ინფორმაციით, აღნიშნულ საკითხზე განცხადება რუსეთის პრეზიდენტის პრესსპიკერმა დიმიტრი პესკოვმა გააკეთა.

”ზოგადად, ეს სომხეთის სუვერენული უფლებაა. თუმცა, მეორე მხრივ, ჩვენთვის მნიშვნელოვანია, რომ ამგვარი გადაწყვეტილებები არ იმოქმედოს ჩვენს ორმხრივ ურთიერთობებზე, რომელსაც ვაფასებთ როგორც იურიდიულად, ასევე დე ფაქტო და რომელსაც ვიმედოვნებთ, რომ შემდგომ განვავითარებთ“, - განაცხადა პესკოვმა.

როგორც მანამდე „არმენპრესმა“ იტყობინება, სისხლის სამართლის საერთაშორისო სასამართლოს რომის სტატუტი სომხეთისთვის 1 თებერვლიდან ამოქმედდება, რომელიც რატიფიცირებულია სომხეთის პარლამენტის მიერ 2023 წლის 3 ოქტომბერს.