სომხეთისა და ჩეხეთის რესპუბლიკის პარლამენტების თავმჯდომარეებმა აზერბაიჯანთან ურთიერთობის ნორმალიზაციის საკითხი განიხილეს

ერევანი, 31 იანვარი, არმენპრესი. სომხეთის ეროვნული ასამბლეის თავმჯდომარემ ალენ სიმონიანმა და ჩეხეთის დეპუტატთა პალატის თავმჯდომარემ მარკეტტა პეკაროვა ადამოვამ სამხრეთ კავკასიაში მიმდინარე პროცესებზე იმსჯელეს. „არმენპრესის“ ცნობით, ამის შესახებ პარლამენტის თავმჯდომარემ ალენ სიმონიანმა პრესკონფერენციაზე განაცხადა, სადაც შეაჯამა ჩეხეთის დეპუტატთა პალატის თავმჯდომარესთან მარკეტა პეკაროვა ადამოვასთან შეხვედრის შედეგები.

„ჩვენ განვიხილეთ ჩვენს ორ ქვეყანას შორის ურთიერთობების განვითარება, სავაჭრო ბრუნვა, თანამშრომლობა სხვადასხვა საერთაშორისო პლატფორმებზე. შედგა პირისპირ საუბარიც, რომლის დროსაც განვიხილეთ რეგიონული პრობლემები და მეზობელ აზერბაიჯანთან ურთიერთობის ნორმალიზების საკითხი. თქვენ იცით, რომ აქედან ჩვენი სტუმარი მეზობელ ქვეყანაში წავა. გვქონდა დისკუსია ამაზეც. კიდევ ერთხელ მინდა ვთქვა, რომ მოხარული ვარ, რომ მივესალმო ჩემს კოლეგას აქ“, - განაცხადა სიმონიანმა.