ნიკოლ ფაშინიანს და ირაკლი ღარიბაშვილს პირისპირ საუბარი ჰქონდათ

ერევანი, 26 იანვარი, არმენპრესი. თბილისში სომხეთისა და საქართველოს პრემიერ-მინისტრების ნიკოლ ფაშინიანსა და ირაკლი ღარიბაშვილს შორის პირისპირ საუბარი შედგა.

„არმენპრესის“ ცნობით, ამის შესახებ ინფორმაციას სომხეთის რესპუბლიკის პრემიერ-მინისტრის აპარატი ავრცელებს. მხარეებმა განიხილეს სომხეთსა და საქართველოს შორის ეკონომიკური თანამშრომლობის მთავრობათაშორისი კომისიის 26 იანვარს გამართული სხდომის დღის წესრიგი და ორმხრივი პოლიტიკური და ეკონომიკური ურთიერთობებთან დაკავშირებულ საკითხები.

მხარეებმა ხაზი გაუსვეს სომხეთსა და საქართველოს შორის თანამშრომლობის სტრატეგიულ ხასიათს და გამოთქვეს რწმენა, რომ მთავრობათაშორისი კომისიის სხდომა, რომელიც დღეს გაიმართება, ახალ ბიძგს მისცემს ორმხრივ თანამშრომლობას ყველა სფეროში.

ამ კონტექსტში საუბარი შეეხო სავაჭრო-ეკონომიკური ურთიერთობების შემდგომ განვითარებას და სხვადასხვა მიმართულებით ერთობლივი პროექტების განხორციელებას.

აზრები გაცვალეს რეგიონში მიმდინარე პროცესებზე. თანამოსაუბრეებმა ხაზი გაუსვეს მშვიდობისა და სტაბილურობის მიმართულებით თანმიმდევრული ნაბიჯების გადადგმას.