არსებობს ისტორიული შესაძლებლობა რეგიონში მშვიდობის მისაღწევად: ბორელი მიესალმება სომხეთისა და აზერბაიჯანის განცხადებას

ერევანი, 8 დეკემბერი, არმენპრესი. ევროკავშირი სომხეთისა და აზერბაიჯანის ერთობლივ განცხადებას მნიშვნელოვან პოლიტიკურ ნაბიჯად მიიჩნევს და მზადაა მხარი დაუჭიროს რეგიონში მშვიდობის მიღწევის მცდელობებს. „არმენპრესის“ ცნობით, ამის შესახებ ევროკავშირის უმაღლესმა წარმომადგენელმა საგარეო საქმეთა და უსაფრთხოების პოლიტიკის საკითხებში ჯოზეფ ბორელმა განაცხადა.

„ევროკავშირი მიესალმება სომხეთისა და აზერბაიჯანის ერთობლივ განცხადებას დაკავებულთა ურთიერთგათავისუფლებისა და ნდობის აღდგენის სხვა ღონისძიებების შესახებ და მიიჩნევს, რომ ეს მნიშვნელოვანი პოლიტიკური ნაბიჯია. ჩვენ ვეთანხმებით, რომ არსებობს ისტორიული შესაძლებლობა რეგიონში მშვიდობის მისაღწევად და ჩვენ მზად ვართ მხარი დავუჭიროთ ამ ძალისხმევას“,- წერს ბორელი X სოციალურ პლატფორმაზე.

როგორც უკვე აღვნიშნეთ,სომხეთის რესპუბლიკის პრემიერ-მინისტრის აპარატმა და აზერბაიჯანის რესპუბლიკის პრეზიდენტის ადმინისტრაციამ ერთობლივი განცხადება გაავრცელეს, რომლის მიხედვითაც, ორი სახელმწიფო კიდევ ერთხელ ადასტურებს მათ სურვილს ურთიერთობები დაარეგულირონ და მიაღწიონ სამშვიდობო ხელშეკრულებას სუვერენიტეტისა და ტერიტორიული მთლიანობის პრინციპების პატივისცემის საფუძველზე. განცხადების თანახმად, აზერბაიჯანმა 32 სომეხი სამხედრო მოსამსახურე გაათავისუფლა, თავის მხრივ, სომხეთმა 2 აზერბაიჯანი სამხედრო მოსამსახურე გაათავისუფლა.