სომხეთის პრემიერ-მინისტრმა აზიის განვითარების ბანკის პრეზიდენტი მიიღო

ერევანი, 27 ნოემბერი, არმენპრესი. სომხეთის რესპუბლიკის პრემიერ-მინისტრმა ნიკოლ ფაშინიანმა მიიღო აზიის განვითარების ბანკის პრეზიდენტი მასაცუგუ ასაკავა.

„არმენპრესის“ ცნობით, პრემიერ-მინისტრის აპარატის ინფორმაციით, ნიკოლ ფაშინიანმა მაღალი შეფასება მისცა სომხეთის რესპუბლიკის მთავრობასა და აზიის განვითარების ბანკს შორის განვითარებულ მჭიდრო თანამშრომლობას და ხაზი გაუსვა, რომ ეს ხელს უწყობს ჩვენი ქვეყნის ინფრასტრუქტურის განვითარებას. მან დასძინა, რომ სომხეთის რესპუბლიკის მთავრობა დაინტერესებულია ახალი პროექტების განხორციელებით და ხაზგასმით აღნიშნა, რომ აღმასრულებელი ხელისუფლებისთვის უმთავრესი მნიშვნელობა აქვს ინფრასტრუქტურის განვითარების საკითხს.

მასაცუგუ ასაკავამ სომხეთთან თანამშრომლობა ეფექტური უწოდა და აღნიშნა, რომ ADB მზადაა გააფართოვოს ერთობლივი პროგრამები.