სომხეთი და აზერბაიჯანი სახელმწიფო საზღვარზე დელიმიტაციის კომისიის სხდომის გამართვაზე შეთანხმდნენ

ერევანი, 23 ნოემბერი, არმენპრესի. სომხეთისა და აზერბაიჯანის საზღვრის დელიმიტაციის კომისიები ორი ქვეყნის სახელმწიფო საზღვარზე შეიკრიბებიან. „არმენპრესის“ ცნობით, ამის შესახებ სომხეთის საგარეო საქმეთა სამინისტროს პრესსპიკერმა ანი ბადალიანმა განაცხადა.

„წინასწარი შეთანხმების მიხედვით, 30 ნოემბერს სომხეთის რესპუბლიკისა და აზერბაიჯანის რესპუბლიკის სახელმწიფო საზღვარზე სომხეთის რესპუბლიკის და აზერბაიჯანის რესპუბლიკის შორის სახელმწიფო საზღვრის დელიმიტაციისა და საზღვრის უსაფრთხოების კომისიის მორიგი სხდომა გაიმართება“,- განაცხადა ანი ბადალიანმა.

მანამდე აზერბაიჯანის საგარეო საქმეთა სამინისტრომ გაავრცელა განცხადება, სადაც სომხეთს შესთავაზა შეხვედრის გამართვა სახელმწიფო საზღვარზე სამშვიდობო ხელშეკრულებაზე მოლაპარაკებების გასაგრძელებლად. ამას მოჰყვა სომხეთის საგარეო საქმეთა სამინისტროს განცხადება, რომლითაც სომხურმა მხარემ შესთავაზა აზერბაიჯანს ორი ქვეყნის სახელმწიფო საზღვარზე სადელიმიტაციო კომისიების სხდომის ჩატარება.