ფაშინიანმა და ღარიბაშვილმა განხილეს რეგიონში მიმდინარე პროცესები

თბილისში სომხეთის პრემიერ-მინისტრ ნიკოლ ფაშინიანსა და საქართველოს პრემიერ-მინისტრ ირაკლი ღარიბაშვილს შორის პირისპირ საუბარი შედგა. „არმენპრესის“ ცნობით, ამის შესახებ პრემიერ-მინისტრის აპარატის ინფორმაციისა და საზოგადოებასთან ურთიერთობის დეპარტამენტი განცხადებას ავრცელებს.

მხარეებმა განიხილეს სომხურ-ქართული თანამშრომლობის დღის წესრიგის საკითხები, მათ შორის ორმხრივი ეკონომიკური ურთიერთობები.

საუბარი შეეხო რეგიონში მიმდინარე პროცესებს. მხარეებმა ხაზი გაუსვეს მშვიდობისა და სტაბილურობისკენ თანმიმდევრული ნაბიჯების გადადგმის აუცილებლობას.