Ֆուտբոլի Մ15 տարեկանների թիմը հաղթել է Բելառուսի հասակակիցներին

ԵՐԵՎԱՆ, 9 ՆՈՅԵՄԲԵՐԻ, ԱՐՄԵՆՊՐԵՍ: Բելառուսի մայրաքաղաք Մինսկում, կայացավ ՈՒԵՖԱ-ի Զարգացման մրցաշարի երկրորդ տուրը, որտեղ Հայաստանի Մ-15 ընտրանին հանդիպեց Բելառուսի հասակակիցների հետ:

«Արմենպրես»-ի հաղորդմամբ` այս մասին հայտնում է ՀՖՖ-ն: Հանդիպումն ավարտվեց Հայաստանի հավաքականի հաղթանակով 2:1 հաշվով: Գոլերի հեղինակներ դարձան Վարդան Թովմասյանը (42) և Ալեն Ղալթախչյանը (53):

Հայաստանի Մ-15 հավաքականի մեկնարկային կազմը հետևյալն էր՝

1. Արմեն Դամիրյան, 2. Ռաֆայել Հարությունյան, 3. Վահե Վարդանյան, 4. Վազգեն Վարդանյան, 5. Անդրանիկ Գրիգորյան, 6. Դավիթ Մկրտչյան, 7. Լևոն Բաշոյան, 8. Միշել Այվազյան, 9. Ալեն Ղալթախչյան, 10. Վարդան Թովմասյան, 11. Դավիթ Բարսեղյան: