365.87
Գիտության կոմիտեն գիտական սարքավորումները մաքսատուրքից ազատելու առաջարկ կպատրաստի
1 րոպեի ընթերցում
ԵՐԵՎԱՆ, 6 ՆՈՅԵՄԲԵՐԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարության գիտության կոմիտեն պատրաստվում է մշակել մի առաջարկ, որով հնարավորություն կտրվի գիտական ֆունդամենտալ հետազոտությունների համար Հայաստան եկող սարքավորումներն ազատել մաքսատուրքից: «Արմենպրես»-ի հաղորդմամբ՝ կոմիտեի նախագահ Սամվել Հարությունյանն այս մասին ասաց ՀՀ ազգային ժողովում «Գիտության ֆինանսավորման հիմնախնդիրները Հայաստանում» թեմայով քննարկմանը:
«Հաճախ մի շարք երկրների ընկերություններից, համալսարաններից առաջարկություններ ենք ստանում որպես տեխնիկական օգնություն Հայաստան ուղարկել բավականին լավ վիճակում գտնվող ժամանակակից գիտական սարքավորումներ, բայց ստիպված ենք լինում դրանց համար մաքսատուրքեր վճարել: Մենք ուզում ենք մի այնպիսի առաջարկ ներկայացնել կառավարությանը, որ այն սարքավորումները, որոնք զուտ գիտական, ֆունդամենտալ հետազոտությունների համար պետք է օգտագործվեն, ազատվեն մաքսատուրքերից»,-ասաց Հարությունյանը։
Նրա խոսքով՝ դա շատ կարևոր խնդիր է և հաճախ խանգարում է աշխատելուն:
Բաժանորդագրվեք մեր ալիքին Telegram-ում