1 րոպեի ընթերցում
ԵՐԵՎԱՆ, 30 ՀՈԿՏԵՄԲԵՐԻ, ԱՐՄԵՆՊՐԵՍ: Հատուկ քննչական ծառայության բյուջեն 2020թ. կնվազի 4.6 մլն դրամով:
«Արմենպրես»-ի փոխանցմամբ` այս մասին հոկտեմբերի 30-ին ՀՀ ազգային ժողովի մշտական հանձնաժողովների համատեղ նիստում 2020 թվականի պետական բյուջեի մասին օրենքի նախագծի քննարկման ընթացքում ասաց ՀՔԾ պետ Սասուն Խաչատրյանը:
«2020թ. պետական բյուջեից ՀՔԾ-ին կհատկացվի 735 մլն դրամ, որը շուրջ 4.6 մլն դրամով պակաս է 2019թ. համեմատ: Նվազումը պայմանավորված է 2019թ. ջեռուցման-հովացման համակարգի վերանորոգման համար նախատեսված միջոցների տարբերությամբ և վերապատրաստվողների թվաքանակի տարբերությամբ: 2019թ. վերապատրաստվել է 18 քննիչ, 2020թ. նախատեսում ենք վերապատրաստել 6 քննիչ»,- ասաց Խաչատրյանը:
